खैराे हिराेइन लागूऔषधसहित ३ जना पक्राउ
मकवानपुर- प्रहरीले लागूऔषधसहित तीन जनालाई नियन्त्रणमा लिएको छ । लागूऔषध खैरो हेरोइन सहित ३ जनालाई हेटौंडा उपमहानगरपालिका- १० न्यूरेनीबाट नियन्त्रणमा लिइएको प्रहरीले जनाएको छ ।मकवानपुर प्रहरीका अनुसार हेटौंडा १० का ४१ वर्षीय होमबहादुर थापा मगर, २७ वर्षीय अनिल मोक्तान र हेटौंडा–११ थानाभर्याङ बस्ने २५ वर्षीय रोहित राना मगरलाई ३ सय ५० मिलिग्राम खैरो हेरोइन सहित नियन्त्रणमा लिइएको हो ।लागूऔषध किनबेच भइरहेको बिशेष सुचनाको आधारमा जिल्ला प्रहरी कार्यालय मकवानपुरबाट खटिएको प्रहरी टोलिले स्थानीय होम बहादुरको घरबाट उक्त परिमाणको धुलो खैरो हेरोइनसहित ३ जनालाई नियन्त्रणमा लिइएको मकवानपुरका प्रहरी प्रवक्ता डिएसपी टेकबहादुर कार्कीले जानकारी दिए । घटनाको आवश्यक अनुसन्धान भइरहेको प्रहरीले जनाएको छ ।...
