सचतक नेपाल,
६ बैशाख, बझाङ । मंगलबार बिहानै बझाङ केन्द्रबिन्दु भएर भूकम्प गएको छ । राष्ट्रिय भूकम्प मापन केन्द्रका अनुसार आज बिहान स्थानीय समयअनुसार ६ बजेर तीन मिनेट जाँदा भूकम्प गएको हो ।
केन्द्रका अनुसार भूकम्पको तीव्रता ४.१ म्याग्निच्युडको रहेको थियो । यसअघि चैत ९ गते ताप्लेजुङ केन्द्रबिन्दु भएर ४.२ म्याग्निच्युडको भूकम्प गएको थियो ।...
सचतक नेपाल डेस्क,
५ वैशाख, राैतहट । नेकपा माओवादी केन्द्रका अध्यक्ष पुष्पकमल दाहाल प्रचण्डले स्थानीय तह निर्वाचन मिति कुनै पनि हालत नसर्ने बताएका छन् । पेरिसडाँडामा आयोजित पत्रकार सम्मेलनमार्फत उनले चुनाव सर्ने हल्ला फैलिरहेको भन्दै तोकिएकै मितिमा चुनाव हुने प्रष्ट पारे ।
‘निर्वाचन सर्दैन् । ३० वैशाखमै निर्वाचन हुन्छ । गठबन्धनमा आबद्ध दलहरू निर्वाचनको तयारीमा केन्द्रित भएर लागेका छौं । आम मतदातालाई म आ-आफ्नो ठाउँबाट निर्वाचनमा सहयोग गर्न आग्रह गर्दछु,’ प्रचण्डले भने ।
निर्वाचनको मिति सर्ने खेलमा पाँच दलीय गठबन्धन नै लागेको भन्दै हल्ला फैलाइएको भन्दै उनले कुनै पनि हालतमा निर्वाचन नसर्ने प्रष्ट पारे ।...
सच तक नेपाल
४ वैशाख, रौतहट । रौतहट जिल्लाको देवाही गोनाही नगरपालिका ४ मा दुई भारतीय प्लेट एक आपसमा ठोक्किदाँ १ जनाको मृत्यु भएको छ ।
सोमबार राति दुर्घटना हुदाँ एक जना गम्भीर घाइतेको मृत्यु भएको इलाका प्रहरी कार्यालय देवाही गोनाहीले जनाएको छ । गम्भीर घाइते भई उपचार गराउने क्रममा मोटरसाइकल चालक घर बारा जिल्लाका भएको कमोद यादव रहेको प्रहरीले जानकारी दिएको छ ।
मोटरसाइकलमा पछाडी सवार पनि घाइते भएको हो । बिआर ३० एफ ५००३ नम्बरका मोटरसाइकल सवार एक जनाको मृत्यु र घाइते भएका हुन् । ठक्कर दिन फरार रहेको प्रहरीले जनाएको छ ।...
सचतक नेपाल
४ वैशाख, बर्दिया ।बर्दियामा १४ वर्षीया किशोरी बलात्कृत भएकी छन् । ती किशोरीलाई बलात्कार गरेको आरोपमा प्रहरीले बारबर्दिया नगरपालिका–३ खुरखुरे बस्ने २५ वर्षीय गगन कामीलाई पक्राउ गरेको छ ।
सुर्खेत ब्राह्राताल गाउँपालिका–४ स्थायी घर भएका कामीलाई शनिबार राति पक्राउ गरिएको प्रहरीले जनाएको छ ।
प्रहरीका अनुसार कामीले सोही नगरपालिका–६ पथ्थरडाँडास्थित खेतमा किशोरीलाई शुक्रबार साँझ बलात्कार गरेका थिए । ईलाका प्रहरी कार्यालय बानियाभारबाट खटिएको प्रहरीले उनलाई पक्राउ गरेको हो ।...
सचतक नेपाल डेस्क,
४ वैशाख, राैतहट। नेपालको लुम्बिनी प्रदेशसहित पश्चिम तराईका जिल्लामा आगामी तीन दिन तातो हावा चल्ने भएकोले उच्च सतर्कता अपनाउन विज्ञहरुले आग्रह गरेका छन् ।
भारतको मौसम विभाग र बैंककस्थित क्षेत्रीय बहुप्रकोप केन्द्र (राइम्स) द्वारा जारी पूर्व चेतावनी अनुसार नेपालको लुम्बिनी प्रदेशसहित पश्चिम तराईका जिल्लामा वैशाख ५, ६ र ७ गते (हिट वेब) तातो हावा चल्ने देखिएको हो ।
४० डिग्रि भन्दा माथिको तापक्रमलाई (हिट वेब) अर्थात् ‘लू’ भन्ने गरिन्छ । जल तथा मौसम पूर्वानुमान महाशाखाले जारी गरेको अभिलेख अनुसार देशका ७ स्थानमा ४० डिग्री सेल्सियस भन्दा माथि तापक्रम पुगेको छ ।
यो अघि नै विज्ञहरुले नेपालमा यसवर्ष तापक्रम बढ्नेतर्फ सचेत गराउँदै आएका थिए । यसै सन्दर्भमा न्युज एजेन्सी नेपालसँग कुरा गर्दै जलवायु तथा विपद् विज्ञ डा. धर्मराज उप्रेतीले वैशाखको ५ गतेदेखि लगातार ३ दिनसम्म पश्चिम...
रौतहट । रौतहटको दुर्गा भगवती गाउँपालिकामा करेन्ट लागेर एक महिलाको मृत्यु भएको छ भने ७ महिला घाइते भएकी छिन ।
दुर्गा भगवती -१ (पिपरा) बस्ने नरेश राउतको छोरिको पुजा मटकोरमा सामुहिक गीत भैइरको बेला एकासी माईकबाट करेन्ट उत्पन्न हुँदा एक जनाको मृत्यु भएको छ भने सोही क्रमामा अन्य ७ महिला घाइते भएकी छिन ।
मृत्यु हुनेमा नरेस राउतकी ३० बर्षिय बहिनी सम्घरिया देवि रहेको जिल्ला प्रहरी कार्यलय रौतहटले जनाएको छ ।
करेन्ट लागि गम्भीर घाइते भएकी सम्घरिया देविलाई नजिकको बागमती मेड्कलबाट सुकदेव चौक स्थित शिवदर्शन अस्पतालमा लग्दै गर्दा बाटोमै मृत्यु भएको थियो ।
यस्तै घाईते भएकी स्थानीय ६० बर्षिय मन्तोरिया देवि , ७० बर्षिय मुनि राउत , ६५ बर्षिय केवला देवि , ५५ बर्षिय सुशील देवि र ६० बर्षिय हिरिया देविलाई स्थानिय बागमती मेडिकलमा उपचार भैइरहेको छ।...
सचतक नेपाल डेस्क,
२ वैशाख, राैतहट । नेपाल आयल निगमले पेट्रोलियम पदार्थ खरिद गरेको रकम भुक्तानी गर्न सरकारसँग दुई अर्ब रुपियाँ ऋण मागेको छ । अन्तर्राष्ट्रिय बजारमा इन्धनको मूल्य बढेसँगै निगमको घाटामा चुलिँदै गएको छ । आगामी दिनमा तेल खरिद गर्न रकम अभाव भएपछि निगमले सरकारसँग ऋण मागेको हो ।
निगमका नायब कार्यकारी निर्देशक नागेन्द्र साहले सञ्चित कोष र मूल्य स्थिरीकरण कोषमा भएको रकम सकिएपछि सरकारको जमानीमा राष्ट्रिय वाणिज्य बैङ्कमार्फत दुई अर्ब ऋण माग गरिएको बताए । “इन्डियन आयल कर्पोरेसन (आईओसी)लाई इन्धन खरिद गरेको रकम भुक्तानी गर्नका लागि अपुग भएकाले ऋण मागेका छौँ,” साहले भने, “आगामी २३ अप्रिलमा आईओसीलाई इन्धन खरिदको १४ अर्ब ६५ करोड रुपियाँ भुक्तानी गर्न‘पर्नेमा निगमलाई दुई अर्ब रुपियाँ अपुग छ ।”
“राष्ट्रिय वाणिज्य बैङ्कमार्फत ऋण लिनका लागि सरकार जमानत बस्नुपर्छ,” साहले भने, “यसका लागि उद...
सचतक नेपाल डेस्क,
२ वैशाख, राैतहट । मोरङको बेलबारी नगरपालिका–७ काफ्ले टोलमा छोराले आफ्नै बुवाको हत्या गरेका छन्। ३१ वर्षीय वासुदेव कार्कीले बिहीबार दिउँसो ६२ वर्षीय बुवा जयबहादुर कार्कीलाई घर आँगनमा पछारेर हत्या गरेको मोरङ प्रहरीले जनाएको छ।
‘अंशवण्डासम्बन्धी विवाद हुँदा बुवालाई आँगनमा पछारेर छोरा वासुदेवले हत्या गरेको प्रारम्भिक अनुसन्धानबाट खुलेको छ,’ मोरङ प्रहरीका प्रवक्ता डिएसपी दीपक श्रेष्ठले भने, ‘अंशवण्डासम्बन्धी विवादलाई लिएर वासुदेव र उनका भाइ तीर्थराजबीच भएको झगडा छुट्याउन जाँदा बुवालाई वासुदेवले आँगनको ढुंगामा पछारेर घाइते बनाएको हो।’
दिउँसो साढे १२ बजेतिर छोराले आँगनमा पछारेपछि गम्भीर घाइते भएका वृद्ध बुवालाई उपचारका लागि विराटनगरस्थित विराट नर्सिङ होम ल्याइएको र उनको उपचारकै क्रममा दिउँसो साढे ३ बजेतिर मृत्यु भएको प्रहरीले जनाएको छ।
हत्यामा संलग्न वासुदेवलाई पक्राउ ग...
सचतक नेपाल डेस्क,
२ वैशाख, राैतहट । राैतहटसहित मिथिला क्षेत्रमा आज परिवारका ज्येष्ठ सदस्यबाट जीवनमा सकारात्मक ऊर्जा र शीतलताको आशीर्वाद लिएर जुडशितल पर्व मनाइँदै छ ।
नयाँ वर्षको प्रारम्भसँगै नयाँ वर्षको पहिलो दिन हिजो ‘सतुवाइन’ र आज दोस्रो दिन ‘जुडशितल’मनाइन लागिएको हो । यो पर्वमा श्रेष्ठजनले शीतलजल परिवारका सदस्यको शिरमा सेचन गर्दै सकारात्मक ऊर्जा वृद्धि र शीतलताको आशीर्वाद दिने प्रचलन छ ।
‘सतुवाइन’ मा जौँ र चनाको सातु तथा सर्वत खाने र खुवाने परम्परा छ । आज वर्षभरि सहकालको कामना गर्दै जिउमा हिलो छ्यापेर नुहाउने गरिन्छ ।
घरपरिवारका श्रेष्ठजनले आफूभन्दा सानालाई शिरमा जल सिञ्चित गर्दै आरोग्यता, शीतलता र दीर्घ जीवनको आशीर्वाद दिने गर्दछन् ।
नयाँ वर्षले जीवनमा शीतलता प्रदान गर्न सकोस् भन्ने पर्वको मुख्य सन्देश रहेको मिथिला संस्कृति छ ।
गर्मी मौसमको चनाको सातु, दाल, मुन्गाको तरक...
सचतक नेपाल,
१ वैशाख, बारा । बाराको जितपुर सिमरा उपमहानगरपालिका–२१ आधाभार जंगलमा बिहीबार बिहान जिप दुर्घटना हुदा चालकको मृत्यु भएको छ । दुर्घटनामा १२ जना घाइते भएका छन् ।
मृत्यु हुनेमा जितपुर सिमरा उपमहानगरपालिका–११ का २५ वर्षीय लोकनाथ सेढाई रहेका छन् । गम्भीर घाइते भएका उनको उपचारका क्रममा सिमरा स्थित अल्पाईन अस्पतालमा मृत्यु भएको प्रहरीले जनाएको छ ।
घाइते भएका जिपमा सवार १२ जनाको सोही अस्पतालमा उपचार भइरहेको छ । घाइते मध्ये ४ जनाको अवस्था गम्भीर रहेको छ ।
आज बिहान पौने ९ बजे सिमराबाट हेटौडातर्फ आउँदै गरेको बा १९ च ४३७७ नम्बरको जिप अनियन्त्रित भइ पल्टिएको ईलाका प्रहरी कार्यालय अमलेखगञ्जले जनाएको छ ।...
