Author: Jeetpur Khabar

प्रेम यादव, रौतहट । रौतहट प्रहरी कार्यालयले रक्तदान कार्यक्रम तथा वृक्ष रोपन कार्यक्रमको आयोजना गरि नेपाल प्रहरी श्रीमति संघको ३९ औं वार्षिक उत्सव मनाएको छ । आइतबार जिल्ला प्रहरी कार्यालय रौतहटले नवनिर्मित भवनको सभाहलमा उक्त रक्तदान कार्यक्रम सम्पन्न भएको हो । आज सम्पन्न रक्तदान कार्यक्रममा लगभग ८० जनाले रक्तदान गरेका हुन् । जसमध्ये जनपद प्रहरी, ट्राफिक प्रहरी, गौर नगरपालिकाका नगरप्रहरी लगायत अन्य व्यक्तिहरुले रक्तदान गरेका थिए । नेपाल प्रहरी श्रीमति संघ केन्द्र कार्यालयबाट आएको निदेर्शन अनुसार विभिन्न कार्यक्रमको आयोजना गरि ३९ औं वार्षिक उत्सव मनाइएको जिल्ला प्रहरी कार्यालय रौतहटका प्रमुख, प्रहरी उपरिक्षक बीरबहादुर बुढामगरले सचतक नेपाललाइ बताउनु भयो । आरडिसि नेपाल रौतहट, नेपाल रेडक्रस सोसाइटी रौतहट र न्यू उज्यालो युवा क्लब रौतहटको सहयोगमा आजको रक्तदान कार्यक्रम सम्पन्न भएको हो । ...

नवलपुर । पुर्व -पश्चिम राजमार्ग अन्तर्गत सर्लाहीकाे हरिवन नगरपालिका ४ स्थित लखन्देही पुल मुनी अज्ञात युववकाे टाउकाे मात्र फेला परेको छ। घटनास्थल बिहिबार बिहान स्थानीयले खाेलाकाे बगरमा घाँटीबमट छिनाएको टाउको मात्रै देखेपछि प्रहरीलाई जानकारी गराएका थिए। हाल प्रहरी टाेली घटनास्थलमा पुगेर थप अनुसन्धान थालिएको सर्लाही प्रहरीका सुचना अधिकारी डिएसी दीपेन्द्र पन्जियार थारुले जनाएको छ । उनका अनुसार घटनास्थलकाे निरिक्षण गर्दा युवककाे भर्खरै हत्या भएको देखिन्छ। त्रसित तरिकाले गरिएको हत्याकाे अनुसन्धान गर्न प्रहरी उपरीक्षक (एसपी) नरेशराज सुवेदी आफै घटनास्थल पुगेका हुन् । युवककाे हत्या घटनास्थल मै भएको कि बाढीले बगाएर ल्याएको भने अझै खुल्न सकेकाे छैन।...

काठमाडाैं । मनसुनको न्यूनचापीय रेखा सरदर स्थानभन्दा उत्तरतिर (नेपाल नजिक) अवस्थित रहेकाले अझै दुई दिन वर्षाको सम्भावना रहेको छ । नेपालमा मनसुनी वायुको असरका साथै बङ्गलादेशको उत्तरीभाग तथा आसपासमा रहेको न्यूनचापीय प्रणालीका कारण पनि बदली र वर्षा भइरहेको जल तथा मौसम विज्ञान विभाग मौसम पूर्वानुमान महाशाखाले जनाएको हो ।महाशाखाका मौसमविद् बिनु महर्जनका अनुसार मनसुनको न्यूनचापीय रेखा नेपालको उत्तरतिर अवस्थित रहेकाले मनसुन सक्रिय भएको छ ।“मनसुन थप सक्रिय भएको छ । वर्षा केही दिन हुने देखिन्छ तर लगातारको वर्षा भने हुने देखिदैन”, मौसमविद् महर्जनले भन्नुभयो । काठमाडौँ उपत्यकामा अहिले हल्का वर्षा भइरहेको छ । महाशाखाका अनुसार पछिल्लो २४ घण्टामा ६४ मिलिमिटर वर्षा मापन गरिएको छ । मौसममा सुधार आउन अझै केही दिन लाग्ने महाशाखाले जनाएको छ ।अहिले काठमाडौँको उत्तरपूर्वी र दक्षिणभेगतिर हल्का वर्षा भइरहेको छ । ...