सुवर्ण गाउँपालिकाको हाकिम महिनाै देखि बेपत्ता, कामकाज प्रभावित
बारा - बाराको सुवर्ण गाउँपालिकाको प्रमुख प्रशासकीय अधिकृत एक महिना देखि कार्यालयमा हाजिर नभएको कारण स्थानीय कामकाज प्रभावित बनेकाे छ । गाउँपालिकाको प्रमुख प्रशासकीय अधिकृत नवीन कुमार श्रीवास्त मङ्सिर १६ गते देखि कार्यालयमा अनुपस्थित भएका छन् ।कार्यालयका प्रशासकीय अधिकृत नहुदा दैनिक काम कार्वाही , कर्मचारीको तलब देखि विभिन्न आर्थिक काम अवरुद्ध भएको भन्दै त्यहाँ कार्यरत कर्मचारी र जनप्रतिनिधिहरुले प्रमुख जिल्ला अधिकारी कृष्ण बहादुर कटुवाललाई ज्ञापनपत्र बुझाएका छन् । जिल्ला प्रशासन कार्यालयको सभाहलमा प्रमुख जिल्ला अधिकारी लाई गाउँपालिका अध्यक्ष राजेश प्रसाद यादव नेतृत्व मा गएको जनप्रतिनिधि र कर्मचारीहरुको टोलिले ज्ञापन पत्र बुझाएको हो ।ज्ञापनपत्रमा ,” प्रशासकीय अधिकृत श्रीवास्तावले लिखित जानकारी नगराई मङ्सिर १५गते देखि कार्यलयमा हाजिर नरहेको र पटक पटक फोन गर्दा मोबाईल स्वीचअफ गरेको र म्यासेज ...