रौतहट– मोटरसाइकलको ठक्करबाट रौतहटको कटहरियामा एक महिलाको मृत्यु भएकोछ। मृत्यु हुनेमा कटहरिया नगरपालिका ५ बहादुरपुरकी २५ वर्षीय रिता देवी सरभङ रहेको इलाका प्रहरी कार्यालय गरुडाले जनाएको छ।
देवाहि गोनाही ५ का २३ वर्षीय राजाबाबु यादवले चलाएको ना ५५ प ९५७८ को १५० सिसी पल्सर मोटरसाइकलको ठक्करले सरभङको ज्यान गएको प्रहरीको भनाइ छ। घटनाबारे थप अनुन्सन्धान भइरहेको इलाका प्रहरी कार्यालय गरुडाले जनाएको छ।