सच तक नेपाल डेस्क,
‘बेटी पढाऊ, बेटी बचाऊ’ को नारा दिएर बेटीको नाउमा साइकिल पचाएको अभियोगमा मुख्यमन्त्री कार्यालयमा छापा मारेर कागज जब्त गरेको अख्तियार दुरुपयोग अनुसन्धान आयोगले हाल सम्म कुनै कारवाही अगाडि न बढाएता पनि नेपाल खाने पानी संस्थानले इमानदारी पुर्वक कारवाही अगाडि बढाएको छ ।
नेपाल खानेपानी संस्थान शाखा कार्यालय बिरगंजले मुख्यमन्त्री लालबाबु राउत गद्दीका पिता दशरथ राउत गद्दीको नाममा रहेको खानेपानीको लाइन काटिदिएको छ ।
मुख्यमन्त्री राउतको निजी निवास बिरगंज महानगरपालिका वडा नं १३ स्थित रहेको यहि घरको लाइन काटिदिएको हो । प्रदेश भरी सु-शासन कायम गराउछु भनेर सपथ लिएका मुख्यमन्त्री राउतले आफ्नै बुवासंग खानेपानी संस्थानलाई एक लाख ६३ हजार २ सय १६ रुपैयाँ बक्यौता तिराउन नसकेपछि लाइन काटिएको हो।